The Three Gulls

Blackhall, Sheena

Tune: Three Craws

Three gulls dowpit on a lum
Lookin affa glum,
Lookin for a crumb,
Three gulls dowpit on a lum
On a cauld an frosty mornin.

The first gull tore a pyoke in twa
Efter things tae chaw
Biggest o them aa
The first gull, tore a pyoke in twa
On a cauld an frosty mornin.

The second gull cut his flipper on a glaiss
Michty fit a mess
Bluid aa ower the place
The second gull cut his flipper on a glaiss
On a cauld an frosty mornin.

The third gull stuck his neb inside a tin,
Wisna yon a sin?
Michty fit a din!
The third gull stuck his neb inside a tin
On a cauld an frosty mornin