Toddlin' In

"Bonnie Strathyre"

While I keep the rabble aye under my thumb,
I'll aye be elected whatever may come.
Wi' ilka ten pounder nane's better than I,
An' O but I'm proud o' his company.
Todlin in, todlin in,
I gar the ten pounders come todlin in.

I aye promise well-tho; I never perform,
Ca' the folks a' enlightened-and speak o' Reform,
I sound my ain trumpet-thro' thick an' thro' thin,
An a' the ten pounders come todlin in,
Todlin in, todlin in,
I gar the ten pounders come todlin in.

The fame I've achiev'd ye hae heard o', I guess,
For seconding the motion against the address,
In knife-grinding Sheffield my name made a blow,
And Sir Rob. himself' ca'd it a quid pro quo.
Todlin in, todlin in,
I gar the ten pounders come todlin in.

Let the Friday Newspaper do a' it can dee,
To stir up a strife 'tween my voters an' me;
Tho' the House be dissolved-O care nae a plack,
My voters wad gar me gang todlin back.
Todlin in, todlin in,
I gar the ten pounders come todlin in.

Then hurra! For the Monarch, an' lang may he reign,
Now whan he's made choice o' Lord Melbourne again,
An' may honest John Russell by him be employ'd
Till in England and Ireland the Church be destroyed.
Todlin in, todlin in,
I gar the ten pounders come todlin in.

Grace Banks
David Hunter
Susan Kirkwood
Shirley Watt
Eric White

Songs from 'WHIG-RADICAL Festival Extraordinary!' (1835) (2)
This song comes from a Tory pamphlet which mocks the Whigs and Radicals. It suggests, particularly through the songs, that the Whigs and Radicals are not united, and that the Whig MP, Alexander Bannerman, who is given the position of the Chairman at this 'dinner', is a most ineffectual Member of Parliament. This song is supposed to be sung by Sir Alexander himself and refers to his empty promises and self-promotion.