Traditional
O gin I were far Gaudie rins, far Gaudie rins, far Gaudie rins
O gin I were far Gaudie rins at the back o Bennachie;
O I should ne'er come back again, come back again, come back again
O I should ne'er come back again, your Lowland lads tae see.
I never had but twa richt lads, but twa richt lads, but twa richt lads
I never had but twa richt lads that dearly did love me.
The teen wis killed at the Lowrin Fair, at the Lowrin Fair, at the Lowrin Fair,
The teen wis killed at the Lowrin Fair, an the ither wis drooned in the Dee.
Had they gien my lovie man for man, man for man, man for man,
Had they gien my lovie man for man, or yet ae man for three,
He wadna hae lain sae low the day, sae low the day, sae low the day,
He wadna hae lain sae low the day at the fit o yon arn tree.
But they crooded in sae thick on him, sae thick on him, sae thick on him,
They crooded in sae thick on him, he could neither fecht nor flee.
An wisna that a dowie day, a dowie day, a dowie day,
An wisna that a dowie day, a dowie day for me?
The Dee was flowin fae bank tae bank, fae bank the bank, fae bank the bank,
The Dee was flowin fae bank tae bank, when my lovie dreed the dree.
An wisna that a dowie day, a dowie day, a dowie day,
An wisna that a dowie day, a dowie day for me?
He bocht for me a braw new goon, a braw new goon, a braw new goon,
He bocht for me a braw new goon an ribbons tae busk it wi!
An I bocht for him the linen fine, the linen fine, the linen fine,
An I bocht for him the linen fine, his windin sheet tae be.
An noo it's twice I've been a bride, I've been a bride, I've been a bride,
An noo it's twice I've been a bride, but a wife I'll never be.
O gin I were far Gaudie rins, far Gaudie rins, far Gaudie rins,
O gin I were far Gaudie rins, at the back a Bennachie.