Allan, Charlie
I was asked to bide on at the place that I was fee-ed
Fan the young man took ower fan the auld man deed.
I wisna ower sair workit, I had plenty time tae news,
For aa I had tae sort was twenty blue grey coos.
Chorus:
Ma blue grey coos, ma blue grey coos,
I'm awfu, awfu fond o my bonnie bonnie blues.
You can keep awa yer smelly pigs and cock-a-doodle-doos,
For I've got a smashin herd o blue grey coos.
Ae day he said, "Man Jimmy I'm sad to say,
Yer bonnie little blue coos jist dinna pay."
And what he did next nearly gart me greet -
He sent ma bonnie blue coos doon tae Buchan Meat.
Chorus
He gaed hine awa tae Italy and Germany and France,
And the nowt that he sent hame fairly led me a dance.
They had high tails and humpy backs the like ye'll never see,
Jist like a pack o greyhounds the size o Bennachie.
Chorus
The Charolais were first hame and they were great big nowt
If only you could get a coo tae shove the crosses out.
The Chianina had lang legs, it ran very fast.
At first they made a quick pound but it fairly didna last.
Chorus
Frae Switzerland and Germany he got some Simmentiles,
But fan my neighbours saw them they didna hide their smiles.
There was light ones and white ones and some were awfu dark
The trouble with the breed was they couldna colour mark.
Chorus
Then came Gelbvieh and Limousine and Blondie Aquitaines,
Normandaise and Murray Greys and Anjou Maines.
There was MRIs and WRIs and Marki power,
Roman in the gloamin, Rotguts and Pinzegauer.
Chorus
Now he's made sae muckle siller frae exploitin me
That the local Tory party's made him oor MP.
He's aye awa in London, I jist sees him on the news
So I've sneakit hame anither herd o Blue Grey Coos.