The Ill-Natured Westie

Innes, Stephen

Eence upon a time
There wis a wee dug
That got up ilkie day
Wi the lark
His maister wis borin
Aye lyin snoring
Despite his peer doggie's lood bark

The dug wis a Westie
An could be pretty nesty
Especially fan oot in the park
Sae tae keep him awa fae aabody aroon
He only got oot in the dark

By the time they got hame
Fae walkin alane
The maister wis fairly wabbit
An slept fur oors an oors an oors
Nae winner the doggie wis crabbit.