Goose-Herd

Blackhall, Sheena

Source:
To Pastures New -
Sir James Guthrie

--------------------------------
Nippit wing, clippit wing
Short's their bit daunder
Tethered bi unseen string
Goose-herd an gander

Nae soarin lift fur them
Skirlin an skreichin
She'll be a bide-at hame
Nae furreign traikin

Niver tae feel the cloud
On each bird- showder!
She'll hae a scrubbit face
Bare o fine pooder

Nae sun-blink in their een
Anely fairm stoor
Wirk like a muckle steen
Will keep her soor

Nippit wing, clippit wing
Short's their bit daunder
Tethered bi unseen string
Goose herd an gander