Braille Lan

Blackhall, Sheena

In the warld o constant nicht,
Fingers serve instead o sicht,
Tae trace a room, tae finn a seat,
Tae ken if weather's warm, or weet.

Tae tiptae ower wirds o Braille
Touch is a stick, a safety rail
That tells the toucher wi ae tap
The sides aroon his sichtless map.
Whether it's safe tae bide, or gyang,
To breenge aheid, tae dauchle lang,
In the warld o constant nicht
Fingers serve, instead o sicht.