Geerie Grun

Glennie, James D.

Beerie me doon aside the Bass
In rich broon Geerie grun
An there ah'll lie an quaetly sleep
Aneth the Simmer Sun.

Aye beerie me owrebye Ury deep
At slaiken's Geerie grun
An there ah'll hear its murmur sweet
Aneth the Simmer Sun

O beerie me mang the granitt steens
At gaird braa Geerie grun
An there ah'll hear the lavericks cry
Aneth the Simmer Sun.

Fegs ! Beerie me up or doon the Don
As langs its Geerie grun
An there ah'll rest richt happily
Aneth the Simmer Sun.