Schlicke, Fanny
Sittin here, in the airms o an auld beech tree
Sittin here, though Spring, Simmer, Autumn an Winter
Sittin here, through rain, shine, wins an sna
Sittin here aa ma life
In the airms o an auld beech tree.
Sittin here, far frae the grun
Ah can hear wins howlin past me
Near blawin me aff ma perch,
Sittin here, in the airms o an auld beech tree.
Sittin here, aa tae be seen is trees
Some o them wee, bonnie things
Some o them muckle, ugly things
Some o them wi bushy tapknots
Some o them wi bare branches
Sittin here, in the airms o an auld beech tree.
Sittin here, watchin the sizzens pass
Ah get rained on till ah'm drookit
Get tanned bi the sun, till ah'm broon as a berry,
Get blawn near inside oot bi yon muckle wins
Get snawed on till ah'm a spikkin snaman
Sittin here, in the airms o an auld beech tree.
Sittin here, in the airms o an auld beech tree,
It micht be a hunner years or mair
My, fit stories it must ken,
Jist sittin here, in the airms o an auld beech tree!