Doon the Toon

Little, Emily

Mither an I wint doon the toon
In the poorin rain
We hid tae walk fur five lang miles
Bit we wint there aa the same.

Eftir an oor or twa
We got there dreepin weet
Mony a time we tried in vain
Tae gang doon a sheltered street

First we wint tae the market
Far aathin wis selt
Frae plastic cups an saucers
Tae food, baith cauld an hett

Then we wint by the post office
Far stude auld Mrs Beckers
Sortin through aabody's
Packets an letters

We wint back then
Cos the rain wis comin doon
Aye, Mither an I hid a great time
Lookin through the toon.